Ukrayna prezidenti Vladimir Zelenski ABŞ-ın yeni seçilmiş lideri Donald Trampın andiçmə mərasiminə yalnız dəvət alacağı təqdirdə qatılacağını bildirib.

Publika.az xəbər verir ki, amerikalı podkaster Lex Friedmana verdiyi müsahibədə siyasətçi Vaşinqtonda olmaq istədiyini, lakin ABŞ prezidentinin birbaşa dəvəti olmadan səfərin sadəcə xoş olmadığını söyləyib:

"Mən belə bir insanam. Biz Putini dəvət etməmişik, amma o, ölkəmizə gəlib".

Qeyd edək ki, amerikalı siyasətçi yanvarın 20-də rəsmi olaraq Amerika Birləşmiş Ştatlarının prezidenti vəzifəsinə başlamalıdır. Dekabrın ortalarında Donald Tramp jurnalistlərə deyib ki, o, hələ Vladimir Zelenskini inauqurasiya mərasiminə dəvət etməyib, lakin onu orada görmək istəyir: "Gəlmək istəsə, iştirak etməyini istərdim. Yəni indi onu dəvət etməmişəm".