Bu həftə İsraillə Husilər arasındakı gərginlik, Husilərin yeni raket hücumları və İsrailin Yəmənin Səna hava limanına hücumu ilə daha da şiddətlənib.

Publika.az xəbər verir ki, İsrailin ilk dəfə ABŞ istehsalı olan THAAD sistemindən istifadə etdiyi məlum olub.

ABŞ rəsmisi Con Kirbi “Al Arabiya English”ə bildirib ki, həftənin əvvəlində İsrailə atılan raketi vurmaq üçün ABŞ Yüksək Hündürlük Ərazi Müdafiəsi (THAAD) terminalından istifadə edilib.

Pentaqondan bildirilib ki, bu, İsraildəki amerikalıları İranın istənilən ballistik raket hücumundan müdafiə etmək üçün idi.

Son məlumatlara görə, husilər 2023-cü il oktyabrın 7-dən bu günə qədər HƏMAS-a dəstək olaraq İsrailə 200-dən çox raket atıblar və 170 pilotsuz uçan aparat buraxıblar. Ötən gecədə milyonlarla israilli gecəni sığınacaqlarda keçirib.