ABŞ və Qərblə Azərbaycan arasında gərginliyin yenidən artdığı müşahidə olunur. Ötən gün ABŞ-ın Azərbaycandakı səfirliyi və rəsmi Parisin Bakıdakı səlahiyyəti nümayəndəsinin X platformasındakı paylaşımları müzakirələrə səbəb olub.

Azərbaycan Respublikası Xarici İşlər Nazirliyinin mətbuat katibi Ayxan Hacızadənin hər iki tərəfin ittihamlarına cavabı xüsusi diqqət çəkib və təqdir olunub.

Globalinfo.az-a danışan politoloq Tofiq Abbasov deyib ki, Azərbaycanın istər Qərblə, istərsə də ABŞ ilə heç bir problemi yoxdur:

“Problemi yaradan məhz bu qütb və onların ətrafında birləşən qüvvələrdir. Məsələ budur ki, onlar heç bir əsas olmadan mübahisə predmentləri ortaya çıxarırlar. İsrarla bizi nədəsə ittiham etməyə çalışırlar. Başlıca arqumentləri isə guya Azərbaycanda “insan haqlarının pozulması”, “söz və mətbuat azadlığının boğulması”, ya da hansısa “qeyri-zanuni həbslərin” olmasıdır. Əslində isə bu iddiaların heç bir əsası yoxdur.

O ki qaldı səfirliklərə, onlar ilk növbədə Xarici İşlər Nazirliklərinin təlimatlarını yerinə yetirirlər. XİN başçıları isə birbaşa dövlət strukturlarından gələn tapşırıqları icra edirlər. Düşünmürəm ki, Azərbaycan bundan sıxıntı keçirib, narahat olmamalıdır. Biz problemin nə olduğunu anlayırıq”.

Politoloq bildirib ki, Azərbaycan 44 günlük müharibə və lokal xarakterli antiterror əməliyyatları ilə bütün bölgədə sabitliyi, təhlükəsizliyi təmin edib:

“Bu erməni havadarlarını ciddi şəkildə narahat edir. Biz həmin qüvvələrin qeyri-adekvat olduğunu 30 ildir görürük. Torpaqlarımızın işğalına, qaçqınlarımızın taleyinə biganə qalanlar bu gün də bizə qarşı eyni hərəkəti edirlər.

Hələdə bu qüvvələr özlərinə bağışlaya bilmirlər ki Azərbaycan qalib gəldi. Fikrimcə, bu rəftarlara adekvat cavab verəcəyik. Bizi heç kəs yolumuzdan döndər