“Azərbaycan artıq ərazi bütövlüyünü və suverenliyini bərpa etdiyi üçün orduda müəyyən islahatların keçirilməsi təbiidir”.

Bu sözləri Globalinfo.az-a hərbi ekspert Emin Həsənli Azərbaycanda hərbi xidmətlə bağlı verilən son qərarlar və gözlənilən yeniliklər barədə danışarkən deyib.

O bildirib ki, belə qanun dövrə, zamana, məkana görə dəyişir:

“Hökumət bu qanunları dəyişməzdən öncə aidiyyəti qurumlarda təhlillər aparılır. İnsan resurslarından tutmuş, gələcəyə doğru hər bir addım nəzərdən keçirilir, yekunda isə lazımi qərarlar verilir”.

Emin Həsənli: "Bu ağır günlərdə bütün Azərbaycanın Türkiyə ilə birlikdə olduğunu bir daha bildirmək istəyirəm"

E.Həsənli gələcəkdə ali təhsillilərlə yanaşı orta təhsillilərin də bir il xidmətetmə məsələsinə baxıla biləcəyini qeyd edib:

“Həmçinin çağırışın ildə 4 dəfədən 2 dəfəyə endirilməsinin müzakirəsi mümkündür. Yəni çağırışın və tərxisin yaz-payız aylarında olmasına baxıla bilər. Münaqişə dövründə ildə 4 dəfə lazım idi ki, birdən-birə ordunun yarısı ehtiyata bıraxılmasın. 25 faiz ehtiyata buraxılan zaman 75 faizi hazır formada olsun.

Peşəkar orduya keçid istiqamətində xeyli addımlar atılıb. Gələcəkdə çağırışla bağlı islahatlar davam etdirilə bilər”.