Ata özünü və azyaşlı qızını eyvandan atmağa cəhd edib.
Oxu.Az xəbər verir ki, bu barədə "Report"un "Telegram" kanalından məlumat yayılıb.
Məlumata görə, dekabrın 4-ü saat 13 radələrində əvvəllər qeyri-qanuni maddələrin qanunsuz dövriyyəsində təqsirləndirilərək məhkum olunan 1991-ci il təvəllüdlü Elnur Əli oğlu Şalıyev yaşadığı evin eyvanından (10-cu mərtəbə) özünü və 2016-cı il təvəllüdlü qızını atmağa cəhd göstərib.
Polis əməkdaşları tərəfindən bu cəhdin qarşısı alınıb.
Faktla bağlı araşdırma aparılır.

Psixoloq Sevinc Baxışova “Sherg.az”a söyləyib ki, zaman dəyişib, insanlar “müasirləşdikcə” digər milli ailə dəyərlərimiz kimi, valideyn-övlad münasibətlərində də çatlar əmələ gəlir:

“Ata-oğul, ana-qız arasında əsrlərdən bəri qorunub-saxlanan hörmət, abır-həya pərdəsi, demək olar ki, yox dərəcəsindədir. Valideynlərin çoxu uşaqla münasibətdə səbrsiz davranır, onlarla zaman keçirməyi böyük bir iş kimi görürlər. Ailədə qadın-kişi münasibətləri kimi, valideyn-övlad münasibətləri də əsas götürülür. Ancaq bu gün biz bir çox ailələrdə tərəflər arasındakı qarşılıqlı hörmətin olmadığının şahidi oluruq. Artıq Azərbaycan ailələrində valideyn-övlad münasibətləri gərginliksiz ötüşmür. Azərbaycanda övladlarının hüquqlarını pozan valideynlər cinayət məsuliyyətinə cəlb olunsalarda, bundan nəticə çixaran valideyinlər çox azdır. Əvvəl ata qızıyla aradan pərdəni götürməzdi. Nə sözü olsa, ana vasitəsilə qızına çatdırardı. Təəssüf olsun ki, bu gün qızına əl qaldıran, cinsi təcavüz edən, hətta qanından olan övladının canina qıyan "ata"lar var. Niye? Çünki onların özlərinin ciddi psixoloji travmaları var. Uşağınıza dəyər verib sevginizi hiss etdirməniz onun sizə qucaq açmasına səbəb olacaq. O da sizi sevəcək və sizə məhəbbət göstərəcək. Verdiyiniz qərarlara hörmətlə yanaşacaq, sevərək yerinə yetirəcək. Əgər övladınıza tərbiyəni qəzəb və kin ilə öyrətməyə və ya deməyə çalışsanız, onda övladınız nəinki sizə qulaq asacaq, hətta sizdən intiqam almağa da çalışacaq”.