Rusiya yaxın 6 il ərzində NATO-ya üzv ölkələrin ərazisinə hücum edə biləcək.

Teleqraf.com xəbər verir ki, bunu Almaniya kəşfiyyatının rəhbəri Bruno Kal deyib.

Ölkənin baş kəşfiyyatçısı Rusiyadan birbaşa hərbi təhlükə gördüyünü iddia edir: “Rusiya qoşunları ən geci bu onilliyin sonuna kimi NATO-ya hücum edə biləcək”.

Kal qeyd edib ki, Kreml Ukraynanı dəstəklədiyi üçün Almaniyanı düşmən kimi görür:

“Biz Rusiya ilə birbaşa münaqişədəyik”.

Almaniya kəşfiyyatının rəhbəri əlavə edib ki, əslində Rusiya lideri Vladimir Putin Ukrayna yox, yeni dünya düzəninin yaradılmasından narahatdır.

Almaniya xarici kəşfiyyatının rəhbəri Tomas Haldenvanq da bildirib ki, onun qurumu Rusiya xüsusi xidmət orqanlarının aqressiv hərəkətlərini izləyir. O, Almaniyada Rusiya casusluğu və təxribatının həm keyfiyyət, həm də kəmiyyət baxımından artdığını vurğulayıb.

Hərbi Əks Kəşfiyyat Xidmətinin (MAD) rəhbəri Martina Rozenberq söyləyib ki, Rusiyanın kritik cəhdlərinin sayı həyəcanverici dərəcədə artıb.

Qərb kəşfiyyatı xüsusən də Latviya, Estoniya və Litva (Baltikyanı dövlətlər), eləcə də Polşa kimi Şərqi Avropa dövlətlərinin Rusiyanın hədəfində olduğunu iddia edir.