Azərbaycanlılar prezident seçkilərində iştirak etmək və dəstək verməklə Məsud Pezeşianın qələbəsində əhəmiyyətli rol oynadı. İndi isə buna görə gözləntiləri var.

Axar.az xəbər verir ki, bu sözləri Kəleybər şəhərinin İran parlamentindəki nümayəndəsi Behnam Rizvani deyib.

“Xalqımız indi Məsud Pezeşkianın quracağı kabinetdə neçə azərbaycanlı mütəxəssis və təcrübəli kadra yer verəcəyini gözləyir. Azərbaycanlı millət vəkilləri Pezeşkian və onun quracağı hökuməti tam dəstəkləyir. Bununla da yeni hökumətdə Azərbaycanın özünün layiq olduğu tarixi statusu yenidən qazanacağına ümid edirlər”,- millət vəkili söyləyib.