Yunanıstanın səhiyyə naziri Adonis Georgiadis Yunanıstan-Türkiyə münasibətləri haqda danışıb.

Publika.az xəbər verir ki, nazir Türkiyə prezidenti Ərdoğanın “bir gecə qəfil gələ bilərik” sözlərinə də münasibət bildirib. “Open News”un məlumatına görə, o, Türkiyəni hədələyib.

“Bu sözləri eşitdim: “bir gecə qəfil gələcəyik”. F-35 ilə yalnız biz birdən-birə Türkiyəyə düşə bilərik. Yəməndə baş verənləri görmüsünüzmü? Əgər radar görməyən F-35-ləriniz varsa, bir gecə özünüzü Ankarada tapa bilərsiniz.

Yunanıstana nə gətirəcəksiniz? Əlinizdə olan ayaqqabılarla? Hər kəs bilir ki, Türkiyə aviasiyada sıfırdır.

Mən demirəm ki, biz belə bir şey edəcəyik, belə bir şey etmək istəmirik, amma Ərdoğan belə bir şey deyəndə gülüş doğurur.

F-35-ləri almaq bizi daha güclü edir, freqat almaq bizi daha da gücləndirir. Viper F16 almaqla biz güclənirik. ABŞ və Fransa ilə müdafiə ittifaqları bağlamaqla biz daha da güclənirik”, - yunan nazir deyib.