İtaliyada həddindən artıq istilərə görə qırmızı xəbərdarlıq elan edilib

Publika.az xəbər verir ki, Afrikadan gələn həddindən artıq isti hava kütləsi səbəbilə İtaliyanın 7 şəhərində sabah üçün qırmızı xəbərdarlıq elan edilib.

Ölkənin Səhiyyə Nazirliyi sabahdan etibarən təsirli olacaq Afrika istiləri ilə bağlı paytaxt Roma da daxil olmaqla, 7 şəhərin sakinlərinə çağırış edib.

Bildirilib ki, təkcə zəif və həssas insanlar deyil, hər kəs diqqətli olmalıdır.

Yüksək temperaturun sabahdan etibarən 10 gün ərzində ölkəni təsir altına alacağı qeyd edilib. Siciliya və Sardiniya adalarında temperaturun 43 dərəcəyə çatacağı gözlənilir.