“Maydan”ın (Ukraynada inqilabi hərəkat) Gürcüstanda təkrarlanmasına imkan verməyəcəyik.

Teleqraf.com xəbər verir ki, bunu ölkə Baş naziri İrakli Kobaxidze deyib.

Gürcüstan lideri Litva, Estoniya və İslandiya xarici işlər nazirlərinin Tiflisdə müxalifətin mitinqində iştiraklarını qeyri-ciddi addım adlandırıb:

“Xarici işlər naziri öz hökumətindən xəbərsiz Gürcüstanda müxalifətin mitinqində iştirak edirsə, bu, bu isteblişmentdə göstərilən ciddiyyətsizlikdən xəbər verir, amma əlbəttə, bu, onların işidir”.

Xarici siyasətçilərin “Maydan”la son həftələrdə Tiflisdə baş verənlər arasında paralellər aparmasını şərh edən Kobaxidze qeyd edib: “Hamıya demək istəyirəm ki, “Maydan”ı Gürcüstanda heç kim görməyəcək”.

Gürcüstan lideri “Maydan” Hərəkatının Ukrayna üçün nəticələrini də xatırladıb:

“Maydan”dan sonra Ukrayna hakimiyyəti iki dəfə xaricdən təyin edildi. Tətin edənlər də heç bir məsuliyyət daşımadılar. 2013-cü ilə qədər Ukrayna ərazi bütövlüyü, iqtisadiyyatı 200 milyard dollar olan dövlət idi. Bu gün Ukrayna dağılıb, yenə də buna görə heç kim məsuliyyət daşımır”.

Onun sözlərinə görə, Gürcüstan hakimiyyəti ölkənin inkişafı üçün məsuliyyət daşıyır.