Türkiyə xarici işlər naziri Hakan Fidan İsrailin Rəfah şəhərinə (Qəzza zolağı) son hücumlarına təpki verib.

Teleqraf.com xəbər verir ki, Türkiyənin baş diplomatı Rəfahda baş verənlərə görə İsraillə yanaşı, bu ölkəni dəstəkləyən ABŞ-ni də ittiham edib.

“Bəzi Qərb dövlətləri, xüsusilə ABŞ-nin qeyd-şərtsiz dəstəyi olmasaydı, İsrailin bölgədə soyqırımına başlaması və davam etdirməsi mümkün olmazdı”, - Fidan deyib.

Xarici işlər naziri İsrailin Qəzzada yaşayan insanlarla sərt davrandığını bildirib və qeyd edib ki, bu soyqırımını tərədənlər cəzasız qalmayacaqlar.

Hakan Fidan Qəzzada davam edən savaşın bölgəyə yayılma riski daşıdığını vurğulayıb: “Misir hərbçisinin israillilər tərəfindən Rəfah sərhəd qapısında şəhid edilməsi yayılma təhlükəsinin nə qədər aktual olduğunu bir daha göstərir”.