Ukrayna münaqişəsi və dəyişən dünya düzəni kimi qlobal çağırışlar fonunda Avropa öz tarixində dönüş nöqtəsini yaşayır.

Axar.az xəbər verir ki, bu barədə Britaniyanın “Faynənşl Tayms” qəzetində Almaniya kansleri Olaf Şolts və Fransa Prezidenti Emmanuel Makronun birgə məqaləsində deyilir.

"Son beş ilin çağırışlarına nəzər salsaq - istər pandemiya, istər Rusiyanın Ukraynaya qarşı davam edən təcavüzkar müharibəsi, istərsə də intensivləşən geosiyasi dəyişikliklərdən aydın olur: Avropa Zeitenwende (dönüş nöqtəsi – red.) yaşayır. Biz Avropa həyat tərzini və dünyadakı rolumuzu qurduğumuz əsas anlayışlarımızı boş verə bilmərik. Avropamız ölümlə üz-üzədir və biz bu çağırışı qəbul etməliyik”, - məqalədə bildirilir.