"Ukraynanın Krıma qarşı hərbi müdaxilə cəhdi üçüncü dünya müharibəsinə səbəb olacaq".

Publika.az xəbər verir ki, bunu Krımın Beynəlxalq Dostları Assosiasiyasının türk klubunun sədri, türkiyəli siyasətçi Ünver Sel deyib.

O vurğulayıb ki, Ukrayna administrasiyası əvvəlki hakimiyyətin səhvlərinə yol verərsə, bunun “nəticələrini çəkəcəklər”.

"Yarımada xalqı o vaxt nasistlərə birgə müqavimət göstəribsə, bu gün də neonasistlərə qarşı birgə müqavimət göstərəcək", - Sel vurğulayıb.

Siyasətçinin sözlərinə görə, Krımın 2014-cü ildə Rusiyaya qoşulmasından başqa alternativi yox idi. O, məsələnin o zaman bağlandığını və bir daha gündəmə gətirilmədiyini vurğulayıb.

Bundan əvvəl Ukrayna Prezidenti Volodimir Zelenski Fox News telekanalına müsahibəsində Minskə bənzər yeni sazişlər bağlamaq istəmədiyini bildirib. O qeyd edib ki, Kiyev Qara dənizdə uğur əldə etmək üçün yeni əks-hücum hazırlayacaq.