ABŞ-ın “Foreign Affairs” jurnalı Yaxın Şərq təhlilində Türkiyə ilə bağlı diqqətçəkən şərhlərə yer verib.

Publika.az xəbər verir ki, məqalədə Yaxın Şərqdə yeni bir yolun müəyyən edilməsində Türkiyənin üstünlüyü olduğu bildirilib.

Təhlildə vurğulanır ki, regional güclər, xüsusən də Misir və İordaniya, eləcə də müharibənin əvvəlindən koordinasiya edən Qətər, Səudiyyə Ərəbistanı, Türkiyə və Birləşmiş Ərəb Əmirlikləri (BƏƏ) bir plan qurmaq üçün təcili hərəkətə keçməlidirlər.

Türkiyənin Rusiya-Ukrayna müharibəsində vasitəçilik rolunun qüvvədə qaldığını bildirən nəşr, Türkiyənin İsrailin Qəzzaya hücumuna son qoyması və bölgədə təhlükəsizliyin təmin edilməsi üçün diqqətəlayiq səy göstərdiyini bildirib.

Qeyd olunur ki, Qəzza müharibəsi səbəbi ilə böhran və qarşıdurma dərinləşə bilər və ya yeni bir gələcək inşa edilə bilər. Həmçinin Türkiyənin bu yeniliyə imza ata biləcəyi vurğulanıb.

Roza Şəfiyeva