Son günlər erməni mediasında Türkiyənin “Altay” kod adı altında Ermənistana həmlə planının mövcud olduğunu, bu planın bu gün də öz aktuallığını qoruyub saxladığı ilə bağlı məqalələr yer almaqdadır.

Moderator.az erməni mediasına istiandən xəbər verir ki, rus hərbi eksperti İvan Konovalov Türkiyənin Ermənistana zərbə endirəcəyi təqdirdə, Gümrüdəki 102-ci rus hərbi bazasının hərəkətə keçəcəyini bildirib. Rus ekspert iddia edib ki, əgər Ermənistana qarşı real bir təhlükə yaranarsa, o zaman Rusiya öz strateji müttəfiqinin müdafiəsinə qalxacaq.

Ermənistana hücum anında 102-ci bazanın şəxsi heyətinin təhlükəsizliyinin qorunmasının da vacib olduğunu bildirən İvam Konovalov, sözügedən bazanın rolu və önəmi haqqında Kreml yetkililərinin dəfələrcə açıqlamalar verdiyini xatırladıb.

Qeyd edək ki, erməni mətbuatı son vaxtlar Türkiyənin guya Ermənistaan hücum edə biləcəyi ilə bağlı iddiaları gündəmə gətirməklə, rəsmi Ankaranı beynəlxalq ictimaiyyətin hədəfinə çevirməyə cəhd edir. İrəvan hesab edir ki, bu məlumatlar Türkiyənin hərbi aqressiyaya meyilli dövlət imicinin formalaşmasına kömək edə bilər.