Dördüncü nəsil çoxfunksiyalı F-16 qırıcıları Ukrayna ordusuna Rusiyanın müxtəlif ballistik raketlərini vurmağa kömək etməyəcək, amma aviasiyasını dəf edə biləcək.

Teleqraf.com xəbər verir ki, bunu Ukrayna Hərbi Hava Qüvvələrinin sözçüsü Yuri İqnat deyib.

“F-16-ların ballistika ilə mübarizədə kömək edəcəyi ehtimalı yoxdur. Balistika istənilən nöqtədə işə salına və raket atmağa imkan verən yerüstü qurğulardır. F-16 ballistik raketləri yox, amma aerodinamik hədəfləri məhv edə bilər. Eləcə də quru və yerüstü hədəfləri...”, - İqnat bildirib.

O, həmçinin vurğulayıb ki, ukraynalı pilotlar təlimlərə davam edirlər.

İqnat Qərb təyyarələrinə keçidin çox çətin olduğunu qeyd edib:

“Bunu rekord müddətdə edirik. Ona görə də Rusiya aviasiyasını dəf edə biləcək təyyarələri gözləyirik. Bizə hava üstünlüyü lazımdır. Havada üstünlük olmadan quru qoşunları üçün çox çətindir”.

Müəllif: Mənsur Rəğbətoğlu