İndoneziyada Marapi yanardağında vulkanının püskürməsi nəticəsində ən azı 11 alpinist həlak olub, 22 alpinist isə itkin düşüb.

Publika.az-ın məlumatına görə, xilasetmə rəsmisi bildirib ki, cəsədlər bazar ertəsi Marapi yanardağının püskürməyə başlamasından bir gün sonra çıxarılıb.

Axtarış sözçüsü Codi Haryavanın sözlərinə görə, 2,891 m yüksəklikdə yerləşən yanardağa dırmanan 75 nəfərin bir çoxu yanıq xəsarətləri ilə xəstəxanaya yerləşdirilib.

İtkin düşdüyü bildirilən daha 22 nəfərin axtarışları davam etdirilir.

Qeyd edək ki, Marapi dağı bölgənin ən aktiv vulkanlarından biridir və yanvar-fevral aylarında da püskürmüşdü. İndoneziya Sakit Okeanın "Alov halqası"nda yerləşir və 127 aktiv vulkanın vətənidir. Yanardağın ən ölümcül püskürməsi 1979-cu ilin aprelində baş verib. Püskürmə nəticəsində 60 nəfər həlak olub.

Nəzrin