"Bütün girovlar evlərinə qaytarılana qədər İsrail ordusu Qəzza zolağından çıxmayacaq və Fələstinin Həmas hərəkatı ilə gələcək danışıqlar atəş altında aparılacaq".

Publika.az xəbər verir ki, bunu İsrailin müdafiə naziri Yoav Qalant deyib.

"Gələcək danışıqlar atəş altında aparılacaq. Bu o deməkdir ki, HƏMAS razılaşmanı müzakirə etməyə davam etmək istəsə, bunu qüvvələr döyüşərkən və bombalar düşəndə ​​edəcək. Bu, təməldir", - Qalant deyib.

Nazirin sözlərinə görə, İsrail bütün girovlar evlərinə qaytarılmayana qədər Qəzza zolağında əməliyyatı dayandıra bilməz.

"Çünki bizdən daha çoxdur", - Qalant anklavda komandirlər və hərbçilərlə görüşdə vurğulayıb.

İsrail ordusu HƏMAS hərəkatına ultimatum verib. Belə ki, girovların ikinci qrupu noyabrın 25-i gecə yarısına qədər azad edilməlidir, əks halda IDF Qəzzada əməliyyatları bərpa edəcək.

Noyabrın 24-də İsrail və HƏMAS anklavda dörd günlük atəşkəs əldə ediblər. Bu müddət ərzində atəşkəs qüvvədə qalır.

Hüseyn İbadlı