Rusiya Ermənistan xalqını qardaş hesab edir, lakin Moskvanın bu ölkə rəhbərliyinə sualları var.

Publika.az xəbər verir ki, bu barədə jurnalistlərə Kremlin sözçüsü Dmitri Peskov məlumat verib.

O, İrəvanın Beynəlxalq Cinayət Məhkəməsinin (BCM) Roma Statutunu ratifikasiya etmək qərarını belə şərh edib.

“Ermənistan dost dövlətdir, bizim tərəfdaşımızdır. Və təbii ki, bizim qardaş erməni xalqı ilə ortaq cəhətlərimiz çoxdur. Amma bununla yanaşı, bizim Ermənistanın hazırkı rəhbərliyinə əlavə suallarımız olacaq. Onlar əvvəlcədən erməni tərəfinə təhvil verilib”, - Peskov bildirib.

Kreml Ermənistanın Roma Statutunu ratifikasiya etməsini “ikitərəfli münasibətlər nöqteyi-nəzərindən düzgün olmayan addım” hesab edir”, - o qeyd edib.

“Rusiya tərəfi istəməzdi ki, Rusiya Federasiyasının prezidenti Vladimir Putin nə vaxtsa Ermənistana səfərini ləğv etmək məcburiyyətində qalsın”, – Peskov vurğulayıb.