Böyük Britaniyanın müdafiə naziri Qrant Şapps ölkəsinin ilk dəfə olaraq Ukraynada öz qoşunlarını yerləşdirəcəyini bildirib.

Publika.az "The Telegrap"a istinadla xəbər verir ki, o, britaniyalı hərbçilərin Ukrayna Silahlı Qüvvələrinin (AFU) döyüşçülərinə təlim keçməyi planlaşdırdığına aydınlıq gətirib.

Nazir bildirib ki, o, Britaniyanın rəhbərlik etdiyi rəsmi təlim proqramının Ukraynaya ötürülməsi imkanlarını müzakirə etmək üçün hərbi liderlərlə danışıqlar aparıb.

Qeyd olunur ki, bundan əlavə o, Britaniya müdafiə firmalarını Ukraynada yeni fabriklər açmağa çağırıb.

Şapps əlavə edib ki, o, prezident Volodimir Zelenski ilə Kral Donanmasının kommersiya gəmilərini Qara dənizdə Rusiyanın iddia edilən hücumlarından qorumaqda hansı rol oynaya biləcəyi barədə danışıb .

Hüseyn İbadlı