Hindistan Ermənistana 6 ədəd 155 millimetrlik yedəkli haubitsa verib.

Medianews.az xəbər verir ki, Erməni mətbuatının Hindistan Müdafiə Araşdırmaları Qanadına istinadən verdiyi xəbərdə Hindistanın Bharat Forge şirkətinin prezidenti və baş icraçı direktoru (CEO) Baba Kalyani avqust ayında Ermənistana 6 ədəd 155 millimetrlik təkmil yedəkli haubitsa gətirildiyini açıqlayıb.

Bu göndərmə Ermənistanın keçən ilki sifarişinin ilk partiyasıdır və buraya 155,5 milyon dollar dəyərində 90 təkmil yedəkli artilleriya sistemi (ATAGS) daxildir, qalan 84 ATAGS isə 3 il ərzində təhvil veriləcək. Bildirilib ki, sifarişin planlaşdırılan vaxtdan əvvəl başa çatdırılmağı hədəflənir.

Bu silah sistemlərinin Hindistan Silahlı Qüvvələrinin bütün sınaqlarından uğurla keçdiyi, əmrdən əvvəl Ermənistan Silahlı Qüvvələrinin Pokran atış poliqonunda haubitsalarla 2 aylıq intensiv sınaqlar keçirdiyi vurğulanıb.

Qeyd edək ki, İrəvan administrasiyası 2022-ci ilin sentyabrında Hindistandan təxminən 245 milyon dollar dəyərində ağır silahlar sifariş edib. Bu sifarişin Hindistan ordusunda da istifadə olunan yerli çoxlüləli “Pinaka” reaktiv yaylım atəşi sistemləri, tank əleyhinə raketlər və sursatlardan ibarət olduğu açıqlanıb.

Medianews.az