Bursansanın İnegöl bölgəsində baş verən və 10 fabriki əhatə edən yanğın ilkin hesablamalara görə 1 milyard lirədən çox ziyana səbəb olub.

Publika.az xəbər verir ki, mebel istehsalı zamanı qaynaqdan çıxan qığılcımlar yanğına səbəb olub. Yanğın sürətlə böyüyərək anbara keçib. Bölgəyə çox sayda xilasetmə, polis, sağlamlıq və Fövqəladə Halların İdarə olunması Agentliyi (AFAD) bölgəyə sövq edilib. Komandalar yanğına müdaxilə edərkən küləyin təsiri ilə böyüyən alov digər fabriklərə də keçib.

Yanğınsöndürmə işlərinə Bursa Böyükşəhər Bələdiyyəsi Xilasetmə Müdirliyi və mahal xilasetmə qrupları ilə yanaşı, İstanbul, Yalova, Kocaeli, Balıkesir və Biləcikdən qruplar qatılıb. 7 saat davam edən yanğının vurduğu zərərin 1 milyard lirədən çox olduğu açıqlanıb.

Əvvəllər toxuculuq fabriki kimi istifadə edilən, lakin sonradan 10 fərqli şirkətə icarəyə verilən ərazidə baş verən yanğın İnegöl tarixinin ən böyük yanğını kimi qeydə alınıb. Yanğının söndürülməsinə 40 ton köpük və 20 min ton su sərf edilib.

Nəzrin