Prezident Rəcəb Tayyib Ərdoğanın iyulun 25-də Fələstin prezidenti Mahmud Abbası, iyulun 28-də isə İsrailin baş naziri Benyamin Netanyahunu Türkiyədə qəbul edəcəyini açıqlanıb.

Publika.az “TRT Haber”ə istinadən xəbər verir ki, prezident Rəcəb Tayyib Ərdoğan gələn həftə Türkiyədə Fələstin prezidenti Mahmud Abbas və İsrailin baş naziri Binyamin Netanyahunu ayrı-ayrılıqda qəbul edəcək.

Ərdoğanın dəvəti ilə Türkiyəyə gələcək liderlərin aktual, regional və qlobal mövzularda fikir mübadiləsi aparacaqları bildirilib.

Fələstin prezidenti Mahmud Abbas Türkiyəyə səfəri zamanı Ərdoğanla rəsmi görüşlərdə Türkiyə-Fələstin münasibətləri, İsrail-Fələstin münaqişəsində son vəziyyət və digər aktual regional və beynəlxalq məsələlər müzakirə olunacaq. Türkiyə ilə Fələstin arasında əməkdaşlığın daha da inkişaf etdirilməsi istiqamətində atılacaq addımlar da görüşün gündəmində olacaq.

İsrailin Baş naziri Binyamin Netanyahunun səfəri çərçivəsində keçiriləcək görüşlərdə Türkiyə ilə İsrail arasında ikitərəfli münasibətlər bütün ölçüləri ilə nəzərdən keçiriləcək. Əməkdaşlığın yaxşılaşdırılması üçün atılacaq addımlar müzakirə olunacaq.
Görüşlər zamanı cari, regional və beynəlxalq məsələlər, ikitərəfli münasibətlər ətrafında fikir mübadiləsinin aparılması nəzərdə tutulur.

Aysel Şahmar