Lavrov Türkiyəyə səfəri çərçivəsində Çavuşoğlu ilə Qarabağdakı vəziyyəti müzakirə edəcək.

Publika.az xəbər verir ki, Rusiyanın xarici işlər naziri Sergey Lavrov türkiyəli həmkarı Mövlud Çavuşoğlunun dəvəti ilə aprelin 6-7-də Türkiyəyə səfər edəcək. Bunu Rusiya Xarici İşlər Nazirliyinin rəsmi nümayəndəsi Mariya Zaxarova həftəlik brifinq zamanı deyib.

Səfər zamanı Rusiya Federasiyası və Türkiyənin xarici işlər nazirliklərinin rəhbərləri regional və beynəlxalq gündəliyin aktual məsələləri ətrafında fikir mübadiləsi aparacaqlar.

O cümlədən ticarət, enerji və turizm sahələrində ikitərəfli əməkdaşlığın vəziyyəti və perspektivlərinin müzakirəsi planlaşdırılır.