ABŞ-ın milli təhlükəsizlik müşaviri Ceyk Sallivan brifinqdə bildirib ki, Qərb ölkələri F-16 qırıcılarının Ukraynaya çatdırılma vaxtını tezliklə müəyyən edəcək. O, vurğulayıb ki, tarixlər ukraynalı pilotlar hücum təyyarələrini idarə etməyi öyrəndikcə müəyyən ediləcək.

Publika.az xəbər verir ki, bu barədə "BBC" məlumat yayıb.

Konkret hansı ölkələrin F-16-ları Ukraynaya və hansı miqdarda göndərəcə⁷yi də bəlli olacaq.

"İndi biz Ukraynanın özünümüdafiəsinə dair uzunmüddətli öhdəliyimiz çərçivəsində Ukrayna Hərbi Hava Qüvvələrinin təkmilləşdirilməsinin müzakirəsinə keçdik. Təlimlər qarşıdakı aylarda davam etdikcə, biz müttəfiqlərimizlə birlikdə təyyarələrin nə vaxt çatdırılacağını müəyyənləşdirəcəyik. onları kim və nə qədər çatdıracaq", - o deyib.

Sallivanın sözlərinə görə, Ukrayna münaqişəsinin indiki mərhələsində F-16 qırıcıları Kiyev üçün prioritet silah növü deyil.