ABŞ-ın keçmiş prezidenti Donald Tramp ölkəsinin ikinci Böyük depressiyaya doğru getdiyini bildirib.

Publika.az xəbər verir ki, o bu barədə Nyu-Hempşir ştatında tərəfdarlarının mitinqində çıxışı zamanı deyib.

"ABŞ-ın 1920-ci illərdə olduğu kimi ikinci Böyük depressiyaya doğru hərəkətini izləyirəm. Bu, hazırkı dövlət başçısı Co Baydenin siyasəti ilə bağlıdır", - eks-prezident bildirib.

Tramp qeyd edib ki, ABŞ inflyasiya, dolların çökməsi kimi iqtisadi problemlərlə üzləşib. Bayden administrasiyasının hərəkətləri səbəbindən ölkə tənəzzülə uğrayıb.

Tramp çıxışı zamanı Baydeni korrupsioner adlandırıb. O , 2016-cı il seçki kampaniyası zamanı etdiyi keçmiş dövlət katibi Hillari Klintonu “korrupsioner” adlandırmağı dayandıracağını vurğulayıb.