İran Qərbin təzyiqlərinə baxmayaraq, 1650 km mənzilli yeni raket hazırlayıb.

Publika.az xəbər verir ki, bu barədə "Reuters" məlumat yayıb.

İran İslam İnqilabı Keşikçiləri Korpusunun Hərbi Hava Qüvvələri və Aerokosmik Qüvvələrinin komandanı, briqada generalı Əmir Əli Hacızadə bildirib ki, İran 1650 km mənzilli yeni “Paveh” qanadlı raketi hazırlayıb.

"Bizim 1650 km mənzilli qanadlı raketimiz İran İslam Respublikasının raket arsenalını artırıb", - Hacızadə bildirib.

Dövlət televiziyası yeni “Paveh” qanadlı raketini əks etdirən kadrlar nümayiş etdirib.

"Reuters" qeyd edir ki, İran ABŞ-ın etirazlarına və Avropanın narahatlığına baxmayaraq, raket proqramını genişləndirib.

Tehranın isə bildirib ki, bu proqram sırf müdafiə və çəkindirici xarakter daşıyır.