Senator Robert Menendez F-35-in Yunanıstana çatdırılmasına "yaşıl işıq" yandırıb.

Publika.az “RİA Novosti”yə istinadən xəbər verir ki, ABŞ Senatının Xarici Əlaqələr Komitəsinin sədri Robert Menendez Yunanıstana F-35 beşinci nəsil döyüş təyyarələrinin satışına "yaşıl işıq" yandırıb.

O bildirib ki, indi müdafiə müqaviləsinin ratifikasiyası zaman məsələsidir.

Menendez Vaşinqtondakı Delfi İqtisadi Forumunda deyib ki, Yunanıstana F-35 qırıcılarının tədarükünü iki gün əvvəl təsdiqləyib.

Qeyd edək ki, Yunanıstan 2022-ci il iyunun sonunda ABŞ-a beşinci nəsil F-35 qırıcılarından ibarət eskadronun alınması üçün rəsmi müraciət məktubu göndərib.

Eyni zamanda, Yunanıstan Türkiyəyə 40 ədəd F-16 Block 70 qırıcısının satışının qarşısını almağa çalışır.

Türkiyə prezidenti Rəcəb Tayyib Ərdoğanın Yunanıstanın baş naziri Kiriakos Mitsotakislə əlaqə saxlamaqdan imtina etməsinin səbəblərindən biri də, onu əldə olunmuş razılaşmaları pozmasıdır.