ABŞ Konqresinin Nümayəndələr Palatasının qarşıdakı il üçün müdafiə büdcəsində F-16 qırıcıları ilə bağlı Türkiyəyə tətbiq olunan məhdudiyyətləri aradan qaldırması Yunanıstanda təşviş yaradıb.

Axar.az xəbər verir ki, bu barədə "Haber7.com" saytı məlumat yayıb.

Bildirilib ki, Afina bu vəziyyətin qarşısını almaq üçün addımlar atmağa çalışır:

"Yunan mediasının yaydığı məlumata görə, Vaşinqton və Ankara arasında F-16-lar üçün texniki danışıqlar başa çatıb, lakin yunan lobbisi F-16-ların satışının qarşısını almaqda israrlıdır. Türkiyənin əleyhinə çıxışları ilə tanınan amerikalı senator Bob Menendez yenə qalmaqallı sözlərlə satışın qarşısını alacağını vurğulayıb. Yunan mətbuatı da “Beynəlxalq satışlarla bağlı son söz Konqresdədir və Senatın Xarici Əlaqələr Komitəsinin sədri, senator Menendez belə bir təşəbbüsün qarşısını almaq niyyətini dəfələrlə ifadə edib” fikrini gündəmdə saxlayır".