"Roma”nın baş məşqçisi Joze Mourinyu lider "Napoli" ilə görüş ərəfəsində rəqibin "başının altına yastıq qoymağa" çalışıb.

Fanat.Az xəbər verir ki, portuqaliyalı mütəxəssis indidən "Napoli"ni çempionluq münasibətilə təbrik edib.

Təcrübəli çalışdırıcı oyunöncəsi mətbuat konfransında belə deyib:
"İddia edirəm ki, onlar artıq Skudettonu qazanıblar və buna layiqdirlər. Neapol ictimaiyyətini, oyunçuları və Luçano Spallettini təbrik edirəm. Onlar layiqli qaliblərdirlər. Ən yaxın rəqibini 12 xal qabaqlayırlar və hazırda liqada onlarla rəqabət apara biləcək komanda yoxdur. Skudetto onlara məxsusdur. Kimsə mənə desə ki, “Roma” onlara asan təslim olacaq, qətiyyən bu baş verməyəcək. Amma onlar artıq çempionluğu qazanıblar”.

Qeyd edək ki, "Napoli" - "Roma" matçı bu gün Bakı vaxtı ilə 23:45-də baş tutacaq.