Xəbərlər



Tallinin ardınca Riqa da BU ADDIMI ATDI
Tallinin ardınca Riqa da BU ADDIMI ATDI


Ukraynada hərbi münaqişənin başlanmasının ildönümü olan fevralın 24-dən Rusiya ilə diplomatik münasibətlərin səviyyəsi aşağı salınacaq.

Publika.az xəbər verir ki, bunu Latviyanın xarici işlər naziri Edqar Rinkeviç "Tvitter" hesabında bildirib.

Cənab Rinkeviçin sözlərinə görə, Latviya hakimiyyəti Estoniya ilə həmrəylik əlaməti olaraq bu addımı atıb.

“Rusiyanın Ukraynaya qarşı davam edən qəddar təcavüzü və Estoniya ilə həmrəylik əlaməti olaraq Latviya fevralın 24-dən etibarən Rusiya ilə diplomatik münasibətlərin səviyyəsini aşağı salacaq və Rusiyadan buna uyğun hərəkət etməsini tələb edəcək”, - cənab Rinkeviç "Tvitter" hesabında yazıb.

Təxminən iki həftə əvvəl Estoniya Xarici İşlər Nazirliyi Rusiyanın Tallinndəki səfiri Vladimir Lipayevə məlumat verib ki, fevralın 1-dək Rusiyanın bu ölkədəki səfirliyinin işçilərinin sayını azaltmaq lazımdır. Yanvarın 23-də Rusiya Xarici İşlər Nazirliyi cavab olaraq Estoniya ilə diplomatik münasibətlərin səviyyəsini müvəqqəti işlər vəkili səviyyəsinə endirdiyini açıqlayıb. Rusiyanın xarici siyasət idarəsinin məlumatına görə, Estoniya səfiri fevralın 7-dək Rusiyanı tərk etməlidir. Bundan sonra Estoniya Rusiya səfirini ölkədən çıxardığını bəyan edib.
Baxış sayı: 59