NATO-nun baş katibi Yens Stoltenberq Çinin xarici işlər naziri Vanq Yini Ukraynadakı müharibəni dayandırmaq üçün ölkəsinin Rusiya üzərindəki təsirindən istifadə etməyə çağırıb.

Publika.az xəbər verir ki, Yens Stoltenberq Nyu-Yorkda BMT Baş Assambleyası çərçivəsində Çinin xarici işlər naziri Vanqla keçirdiyi görüşlə bağlı sosial şəbəkədə açıqlama verib.

Stoltenberq “Rusiyanın Ukraynadakı müharibəsinə son qoymaq üçün Çini Rusiya üzərindəki təsirindən istifadə etməyə çağırdım” - ifadəsindən istifadə edib.

Xatırladaq ki, Rusiya 2022-ci il fevralın 24-də Ukraynaya hücum edib.