"Patriot" zenit-raket komplekslərinin (SAM) Kiyevə təhvil verilməsi üçün hazırlıqlara artıq başlanılıb.

Oxu24.com Ukrayna mətbuatına istinadən xəbər verir ki, bunu Ukraynanın xarici işlər naziri Dmitri Kuleba mətbuat konfransında bildirib.

“Keçən ili Ukrayna və ABŞ liderləri Vladimir Zelenski və Cozef Baydenin razılaşdırdığı kimi, Ukraynanı Amerika Patriot sistemləri ilə təmin etmək üçün inqilabi qərarla başa vurduq. Biz ABŞ-ın bu addımını çox yüksək qiymətləndiririk. Patriotun mümkün qədər tez yerləşdirilməsini gözləyirik. Artıq bu sistemlərin ötürülməsi üçün hazırlıqlara başlanılıb”, - deyə Kuleba vurğulayıb.