Rusiya Xarici İşlər Nazirliyinin sözçüsü Mariya Zaxarova bildirib ki, Qərbin məqsədi Rusiya və Serbiya arasında dostluq münasibətlərinə mane olmaqdır.

Publika.az xəbər verir ki, bu barədə TASS məlumat yayıb.

Rusiyalı diplomat Belqrada təzyiqi kollektiv Qərbin, ilk növbədə ABŞ-ın qlobal vəzifəsi adlandırıb: “Bu, Belqradın ölkəmizlə normal, mehriban, qarşılıqlı faydalı münasibətlərinə mane olmaq cəhdidir”.

Zaxarova Serbiya rəhbərliyinin Qərbin “Rusiya ilə münasibətlərin inkişafı ilə bağlı kursu dəyişdirmək üçün” göstərdiyi təzyiqlə bağlı bəyanatlarını xatırladıb. Diplomat bu cür hərəkətləri Qərbin üzərinə götürdüyü ağrılı tarixi missiya kimi qiymətləndirib.