Xəbər verdiyimiz kimi, G7 ölkələri Rusiyadan dəniz yolu ilə ixrac edilən neftin qiymətinin bir barel üçün 60 dollar səviyyəsində müəyyən edilməsi ilə bağlı razılığa gəliblər. Bu barədə qurumun bəyanatında deyilir: "Böyük yeddilik Avstraliya ilə birlikdə Aİ-i ilə birləşir və Rusiyadan dəniz yolu ilə tədarük edilən neftin bir barelinin yuxarı həddini 60 dollar olaraq qəbul edir”.

ABŞ-ın maliyyə naziri Canet Yellen bildirib ki, belə bir addım bir tərəfdən Rusiya Federasiyasının gəlirlərini məhdudlaşdıracaq, digər tərəfdən isə dünyada "enerji təchizatının sabitliyini qoruyacaq".

Hımçinin qeyd edilib ki, gələn həftə Qiymət Cap Koalisiyası (G7, Aİ və Avstraliya) xam neftin dəniz yolu ilə daşınması ilə bağlı gəmiçilik sığortası və ticarət maliyyəsi də daxil olmaqla geniş çeşidli xidmətlərə alıcıların Rusiya mənşəli nefti 60 dollara və ya 60 dollardan aşağı qiymətə aldığı hallar istisna olmaqla qadağa qoyacaq.

Bütün dünya Rusiyaya qarşı birləşdiyi bir vaxtda, Avropa İttifaqı və NATO-nun aparıcı ölkələrindən biri olan Fransa ilə bağlı yayılan bir xəbər hamını narahat edib.

İngiltərə mətbuatında yer alan xəbərlərə görə, bütün bu çabalara rəğmən, Fransa Rusya ile enerji sahəsində ticarəti davam etdirir. İngilis qəzetləri xəbəri "Fransa yaxalandı" başlığı ilə dərc edib.

"Greenpeace" Rusiyadan Fransanın şimalındakı Dünkerk limanına həm xam, həm də zənginləşdirilmiş onlarla barel uranın gəldiyini açıqlayıb. Ətraf mühit təşkilatı Avropa ölkələrinin bu ticarəti davam etdirməsini "skandal" kimi qiymətləndirib.

"Greenpeace"dəmn açıqlama verən Pauline Boyer deyib: "Ukraynada müharibə davam edərkən Rusiya ilə nüvə ticarətini davam etdirmək skandaldır”.