Kanada insan haqlarının pozulması ilə əlaqəsi olan minlərlə iranlı məmura ölkəyə giriş qadağası tətbiq edəcək.
KAİM.az xəbər verir ki, bu barədə Kanadanın baş naziri Castin Trüdonun ofisində məlumat verilib.
“Biz İran rejiminin nümayəndələrini, o cümlədən İslam İnqilabı Keşikçiləri Korpusu (SEPAH) və onun 10 mindən çox zabit və yüksək rütbəli üzvlərini terrorizmdə iştirak etdiklərinə və insan haqlarının sistematik şəkildə ciddi formada pozulmasına görə persona non qrata kimi tanımaq niyyətindəyik”, – deyə Trüdonun bəyanatda deyilir.
Kanadanın 76 milyon dollar ayıracağı qeyd olunur. Bu vəsaitin bir hissəsi sanksiyaya məruz qalan şəxslərin aktivlərinin daha tez dondurulması və müsadirə olunması üçün istifadə olunacaq.
Baş nazirin ofisi həmçinin insan hüquqlarının pozulmasında iştirak edən şəxslərin cəzalandırılması üçün “Maqnitski Aktı”ndan istifadə edəcəyinə söz verib.