Rusiyanın Krasnoarmeysk rayon məhkəməsi 12 yaşlı Anastasiyanı zorlayaraq öldürən 25 yaşlı Oleq Filippov barəsində cinayət işinə baxıb.

Publika.az Rusiya KİV-inə istinadən xəbər verir ki, məhkəmə Oleq Filippovu cəzasını ciddi rejimli koloniyada çəkilməsi şərti ilə 23 il azadlıqdan məhrum edib.

Xatırladaq ki, cinayət bu il aprelin 8-də baş vermişdi. Sərxoş Filippov yanından keçən məktəbli qızı görüb. Kişi qızı məcburi şəkildə mənzilinə apararaq zorlayıb. Bundan sonra o, öz qurbanını kərpic zavodunun ərazisinə aparıb və bir neçə dəfə boynundan bıçaqla vurub. Qız aldığı zərbələrdən ölüb. Cəsədi dərəyə atan qatil onun üzərini yarpaq, budaq və təkər şini ilə örtüb.

Qızın cəsədi iki gün sonra tapılıb. İstintaqın gedişatında mütəxəssislər psixoloji-psixiatrik ekspertizasını keçirdilər. Həkimlər müəyyən ediblər ki, kişi cinayət amında öz hərəkətlərini başa düşürdü.