Ermənistan öz hərbi-sənaye kompleksinə ümid etməməlidir.

Qalanews xəbər verir ki, bu fikri hərbi ekspert David Arutyunov «Sputnik Ermənistan» ın müxbiri ilə söhbətində deyib.

O hesab edir ki, silahların əsas hissəsi idxal ediləcək, xüsusən də bölgədəki güc balansına təsir göstərə biləcək silah növləri.

"Ermənistanın iqtisadi imkanlarını və insan resurslarını, sənayenin olmamasını nəzərə alsaq, aydın olur ki, ağır silah növləri ölkə daxilində istehsal edilə bilməz. Bu gələcəkdə mümkündür, amma o zaman da xammal və qiymətlərlə bağlı problemlər yaranacaq ", - deyə ekspert qeyd edib.

Mütəxəssis proqram təminatı sahəsinin, avtomatik idarəetmə sistemlərinin inkişafını, bəzi növ odlu silahların və kiçik artilleriya sistemlərinin, minaatanların və pilotsuz təyyarələrin istehsalını daha realist hesab edir. Üstəlik, PUA-lar haqqında söhbət daha sadə modellərdən gedir, çünki mürəkkəb və yüksək səviyyəli olanlar cəmi 3-4 ölkə istehsal edir və onların istehsalı prosesi ilk baxışdan görünə biləcək qədər asan deyil. Ekspert belə pilotsuz təyyarələrin idxalını daha məqsədəuyğun hesab edir.

Əldə olunan silahlara gəldikdə, ekspert hesab edir ki, hakimiyyətin qarşısına hansı məqsəd qoyduğunu başa düşmək və ordu islahatlarının məntiqi cəhətdən və qarşıya qoyulan vəzifələrdən asılı olaraq konkret silah növləri əldə etmək lazımdır. Ekspert vurğulayıb ki, ordunun çox ehtiyacları çoxdur.

"Qırıcı təyyarələrdən tutmuş, raket komplekslərinə, artileriya sistemlərinə, rabitə vasitələrinə, eləcə də, Sovet istehsalı olan zirehli texnikaların modernləşdirilməsinə qədər bütün sahələrdə islahatlara ehtiyac var" deyə o bildirib.

"Silahlı qüvvələrin yeni silahlanmaya ehtiyacı var. Silahlı qüvvələrdə hansı üsullar ilə islahatlar aparacağımızı müəyyənləşdirmək lazımdır.Sərhədləri qorumaq üçün nəzərdə tutulmuş peşəkar bir ordu, yaxud qisas almağa yönəlmiş silahlı qüvvələrimiz olacaq"