11 sentyabr terror aktları ilə əlaqəli sənədlər ictimaiyyətə açıqlanacaq.
Sfera.az bildirir ki, bu barədə ABŞ prezidenti Co Bayden qərar imzalayıb.
Qərara əsasən, sözügedən terror aktları ilə əlaqəli sənədlərin gizliliyi aradan qaldırılacaq. Bu istiqamətdə aparılan işlərdən sonra 6 ay müddətində uyğun sənədlər xalqa təqdim ediləcək.
Xatırladaq ki, 11 sentyabr 2001-ci ildə Əl-Qaidə terror təşkilatı tərəfindən ABŞ-ın Nyu-York və Vaşinqton şəhərlərində silsilə terror aktları həyata keçirilib. Tarixdə "11 sentyabr hadisələri” olaraq yer alan hadisədən sonra ABŞ rəhbərliyi Əfqanıstan və İraqın işğalı ilə nəticələnəcək prosesi başladıb.