Türk Hava Yollarına məxsus Bakı-İstanbul reysi üzrə uçan təyyarə dünən Ermənistan üzərindən keçməklə ünvanına çatıb.

Bu barədə GUNinfo.az “flightradar24.com”a istinadən bildirir.

Dünya səmasında üzən hava gəmilərinin uçuşunu canlı yayan saytda Bakıdan İstanbula gedən təyyarənin ənənəvi marşurutdan çıxdığı görünüb.

Qeyd edək ki, indiyədək Azərbaycan və Türkiyə arasında uçuşlar Gürcüstanın hava məkanından keçməklə baş tutub.
Ermənistanın Azərbaycana hava sərhəddini açması barədə rəsmi məlumat olmadığından ehtimal etmək olar ki, bu addım Azərbaycanın Ermənistan-İran arasındakı quru əlaqəni kəsməsindən sonra baş verib.

Görünür, Ermənistan hökuməti üzləşdiyi durumdan bu yolla çıxmaq istəyir.

Bazar günü olduğundan rəsmi qurumların mövqeyini öyrənə bilmədik.

Gununsesi.info