Türkiyənin zərbə pilotsuz aparatı «Bayraktar» zenit raket kompleksləri üçün yüngül hədəfdir.

Qalanews xəbər verir ki, bu barədə «Almaz-Anteya» nın baş konstruktoru Pavel Sozinov RİA Novosti-yə müsahibəsində bildirib. Konstruktorun sözlərinə görə, «Bayraktar» zenit-raket kompleksi üçün tipik hədəfdir. Bu böyük bir hədəfdir: əslində 650 kiloqram ağırlığında, çox həssas bir təyyarədir, çünki o, olduqca yavaş uçur. Sozinovun fikrincə, «Bayraktar» la təyyarə silahlarının məsafəsindən çox olan vasitələrlə mübarizə aparmaq lazımdır. «Yəni onu vaxtında görməliyik ki, heç bir problem olmasın və zərbə endirməmişdən əvvəl onuvura bilək», - deyə o, izah edib. «Almaz-Antey» konserni - Rusiyanın hər hansı hava-kosmik hücum vasitəsi ilə mübarizə aparan aparıcı şirkətidir. Konsern «Tor», «Buk», «Buk M» kimi məşhur zenit sistemlərini yaratmışdır.

Xatırladaq ki, Dağlıq Qarabağda hərbi əməliyyatlar zamanı 2020-ci ilin payızında Azərbaycan Silahlı Qüvvələri Türkiyə istehsalı dronlardan fəal istifadə etmişdir.

Pavel Sozinov TB2 Bayraktar PUA-larının Qarabağdakı fəaliyyətindən bəhs etməyə ehtiyat edərək bu barədə danışmayıb.