Ermənistanın Xarici İşlər Naziri Ararat Mirzoyan və Araik Arutyunyan Qarabağ münaqişəsinin sülh yolu ilə həllini və sərhədlərdəki vəziyyəti müzakirə ediblər.

Qalanews News Armenia-ya istinadən xəbər verir ki, Xarici İşlər Nazirliyinin mətbuat xidmətindən verilən məlumata görə, görüş zamanı həmsöhbətlər Qarabağdakı vəziyyəti və humanitar, sosial problemlərin həlli ilə bağlı fəaliyyət planını da müzakirə ediblər.

"Mirzoyan və Arutyunyan ATƏT-in Minsk qrupunun həmsədrliyi çərçivəsində Qarabağ münaqişəsinin sülh yolu ilə həlli prosesinin bərpa edilməsinin və uzunmüddətli və ədalətli siyasi həllin axtarılmasının vacibliyini vurğulayıblar. Qarabağ xalqının öz "tarixi" (qondarma) vətənində özünü müəyyənləşdirmək və yaşamaq hüququnun tanınmasının vacibliyi xüsusi qeyd olunub." deyə məlumatda qeyd olunur.