Dağlıq Qarabağ heç vaxt Azərbaycanın tərkibində olmayacaq. Bu barədə ərazisi və əhalisi olmayan, heç bir ölkə tərəfindən tanınmayan qondarma Dağlıq Qarabağın dövlət naziri Artak Beqlaryan Twitter-də bildirib.

Beqlaryan Azərbaycan Prezidenti İlham Əliyevin Dağlıq Qarabağda 25 min insanın yaşadığı barədə bəyanatını yalan adlandırıb.

Qalanews bu barədə Sputnik Armenia-ya istinadən xəbər verir.

"Daim təkrarlanan yalan həqiqətə çevrilmir. Hazırda Qarabağda 25 min deyil, 120 min nəfər yaşayır. Qarabağ heç vaxt Azərbaycanın tərkibində olmayacaq. Bunu unudun! "- deyə "kukla" nazir bildirib.

Xatırladaq ki, son günlər Ermənistan Azərbaycanla sərhəddə təxribatlar törədərək, Azərbaycan ordusunun mövqelərini müxtəlif istiqamətlərdə atəşə tutur.