ABŞ Konqresinin 27 üzvü Xarici İşlər Nazirliyinin rəhbəri Entoni Blinkenə məktub göndərib ki, "Türkiyənin PUA (pilotsuz uçuş aparatı) və ZPUA (silahlı pilotsuz uçuş aparatı) üzrə proqramları bir çox bölgələrdə qeyri-sabitliyə səbəb olur."

Blinkenə göndərilən məktubu həm respublika partiyasının nümayəndələri, həm də demokratlar imzalayıblar.

Qalanews xəbər verir ki, bu barədə Türkiyənin duvar qəzeti yazıb.

Müraciətdə qeyd olunub ki, Türkiyənin PUA və ZPUA ABŞ-ın və müttəfiqlərinin maraqlarını sual altında saxlayır: «Biz Türkiyənin PUA-nın hazırlanmasında NATO-nun sanksiyalarını və ya qaydalarını pozub-pozmadığını bilmək istəyirik».

Konqresmenlər Ermənistanla münaqişə zamanı Azərbaycanın Dağlıq Qarabağda bu PUA-lardan istifadə edilməsinə diqqət çəkərək bu PUA-ların ABŞ-da istehsal olunan ehtiyat hissələri barədə təfərrüatları ehtiva etdiyini xüsusi olaraq qeyd ediblər. Həm Suriya, həm Liviya, həm də ABŞ-ın Türkiyəyə qarşı mübarizədə olan müttəfiqləri kürd qüvvələri qeyd edib ki, onlara qarşı da türk döyüş dronları tətbiq olunub.

Arqumentləri ümumiləşdirən senatorlar bildiriblər ki: «Biz istəyirik ki, ABŞ-dan Türkiyəyə hər hansı pilotsuz texnologiyanın ixracı dərhal dayandırılsın».

Həmçinin Nümayəndələr Palatasının üzvləri Türkiyənin Rusiyadan S-400 aldığını xatırladıblar ki, bu da ümumiyyətlə senatorları Türkiyənin NATO üzvü kimi öz öhdəliklərinə zidd hərəkət etdiyini düşünməyə məcbur edir.

Yayılan məlumatda belə bildirilir.