Nəqliyyat kommunikasiyasının kilidinin açılması Ermənistan üçün prioritetdir, lakin Sünik vasitəsilə heç bir dəhliz haqqında söhbət getmir. Üstəlik, Ermənistan bu məsələ ilə bağlı heç bir öhdəlik, nə yazılı, nə də şifahi öhdəlik götürməmişdir.

Qalanews Sputnik-ə istinadən xəbər verir ki, bunu Ermənistanın Baş naziri Nikol Paşinyan müdafiə idarəsinin yeni rəhbəri Arşak Karapetyanı təqdim edərkən deyib.

«Hər kəs bilməlidir ki, Ermənistan ərazisindən keçən dəhliz haqqında heç vaxt razılaşma olmamışdır», - deyə Paşinyan vurğulayıb. O, həmçinin Azərbaycanla hansısa gizli sənəd və razılaşmalar barədə fəal surətdə yayılan şayiələri qəti şəkildə təkzib edib. Azərbaycan tərəfi ilə əldə olunan yeganə razılaşma 11 yanvar tarixli bəyanatda dəqiq formalaşdırılmış və qeydə alınmışdır və kommunikasiyaların kilidinin açılmasından ibarətdir.

Bəyanatda aydın yazılıb ki, Ermənistan və Azərbaycanın iki ölkə ərazisindən tranzit yük daşınması imkanı olmalıdır. «Həmçinin, 11 yanvar tarixli bəyanatın mətnində gömrük, sərhəd, sanitar, fitosanitar nəzarət haqqında razılığın müzakirə olunması və əldə edilməsinin zəruriliyi dəqiq göstərilib», - deyə o bildirib.

Bu kontekstdə Paşinyan xatırladıb ki, Azərbaycan 30 il ərzində Ermənistana qarşı blokada siyasəti aparıb və məhz buna görə də kommunikasiyaları açılması Bakı üçün ürəkaçan deyil. Paşinyan fikrini bildirib ki, məhz bu səbəbdən Azərbaycan hakimiyyəti dəhliz mövzusunda spekulyasiya edir, bunun erməni tərəfi üçün qəbuledilməz olduğunu mükəmməl dərk edir və bununla da kommunikasiyaların bloklanmasına dair planları icra edir.