Rusiyanın Naberejnıye Çelnı şəhərində yaşayan 24 yaşlı model Kseniya Şaripova vəfat edib.

Sputnik Azərbaycan Rusiya mediasına istinadən xəbər verir ki, onun ölümünə səbəb anoreksiya olub. Bildirilir ki, model xanım uzun və çox ağır diyetaların səbəb olduğu anoreksiya təsirlərindən əziyyət çəkirdi.

Tatarıstanda yaşayan Kseniya Şaripova xəstəliyindən əvvəl model olaraq çalışıb və formada qalmaq üçün fərqli diyetalar saxlayıb. Bundan sonra Kseniya nə qədər çalışsa da, normal çəkisini bərpa edə bilməyib. Bir neçə gün öncə "Instagram"dakı şəkillərdən birində 37,5 kq olduğunu qeyd etmişdi.