Kolumbiyada koronavirus pandemiyasına qarşı sərt karantin rejimi tətbiq olunur.

Publika.az xəbər verir ki, ölkə miqyasında silahlı qruplar və narkotik kartelləri küçələrdə nəzarəti ələ keçirib.

“The Guardian”ın xəbərinə görə, yoluxmanın nəzarətdən çıxdığı bölgələrdə qanlı “ədalət” və karantin sistemi başladan qruplar qaydaları pozanları edam edir.

İnsan Hüquqlarını Müşahidə Təşkilatının məlumatına görə, ölkədə bu günə qədər 9 nəfər kartellərin elan etdiyi çətin və qanlı qaydaları pozduğuna görə silahla vurulub. Onlardan biri qaydalara etiraz etdiyi üçün Putumayo bölgəsinə aparılan Edison Leon adlı siyasi fəaldır. O, “La Mafia” adlı birlik tərəfindən qətlə yetirilib.

Başqa bir bölgədə isə sosial məəsafə qaydalarına riayət etməyən 3 nəfər güllələnib.

Hazırda Kolumbiyanın 32 əyalətindən 11-də hökumətin elan etdiyi qaydaların əvəzinə silahlı qruplaşmaların sistemi işləyir. Yerli hökumət bu bölgələrdə silahlıların təhdidinə məruz qalıb.