Türkiyə Çinin Ermənistana humanitar yardım olan qutulardakı qalmaqallı mətnlə əlaqədar bu ölkənin səlahiyyətlilərindən açıqlama tələb edib.

KONKRET.az Anadoluya istinadən xəbər verir ki, Türkiyə XİN-in rəsmisi Hami Aksoy bilirib ki, Çinin Ankaradakı səfiri Deng Li və Çin Xarici İşlər Nazirliyi humanitar yardım qutularında Ağrı dağı ilə bağlı mətnin yerləşdirilmə səbəblərini izah edib.

Aksoy deyib ki, “Səfir Deng Ermənistana humanitar yardım yükünün Çinin bölgələrindən birinin yerli rəhbərliyi tərəfindən hazırlanaraq özəl bir şirkət tərəfindən göndərildiyini vurğulayıb. Üstəlik yerli rəhbərlik qutulara yalnız Çin dilində mətn yerləşdirib, orada isə Ağrı dağı haqqında heç bir məlumat verilməyib. Çin səfirinin sözlərinə görə, Ağrı dağı ilə əlaqəli ingilis mətni sonradan qutulara qoyulub”.

Aksoyun sözlərinə görə, Çin səfiri hadisənin hərtərəfli araşdırıldığını və nəticələr barədə Türkiyə tərəfinə məlumat veriləcəyini qeyd edib: “Çin səfiri Türkiyənin suverenliyinə və ərazi bütövlüyünə hörmətlə bağlı Pekinin dəyişməz mövqeyini təkrarlayıb”.