Türkiyə Prezidenti Rəcəb Tayyip Ərdoğan İstanbul erməni patriarxı Sahak Maşalyanla telefon əlaqəsi saxlayıb.

KONKRET.az erməni mediasına istinadən xəbər verir ki, Sahak Maşalyanı şəxsən arayan Ərdoğan “Biz Bize Yeteriz Türkiyem” kampanyasına erməni camaatının, din adamlarının və vəqflərinin yardımından duyduğu məmnuniyyəti ifadə edib və ermənilərə təşəkkürlərini çatdırıb.

Ermənistan vətəndaşlarına ölkələrinə dönməsinin asanlaşdırıldığını deyən Ərdoğan bu ölkəyə dərman yardımı etməyə hazır olduğunu bildirib.

Erməni mediası bu xəbəri İstanbul ermənilərinin patriarxına istinadən əldə etdiyini vurğulayıb.