Həyat tərzimiz, işimiz, peşəmiz və xroniki xəstəliklərimiz təhlükəli bir xəstəliyə səbəb ola bilər. Erkən mərhələdə xərçəngdən şübhələnmək çətindir. Şiş illərlə özünü biruzə vermir. Ehtimal edilən təzahürlərdən: yorğunluq, zəiflik, yuxululuq hissini demək olar.

“Medicina” xəbər verir ki, Onkoloq İvan Karasevin sözlərinə görə, xərçəngə ən çox həssas olan 5 qrup insan var:

5-ci yer - İnsan papillomavirusu (HPV), Epsteyn-Barr virusu, hepatit B və C olan insanlar. Mənfi şəraitdə HPV-nin uşaqlıq boynu xərçənginə, Epsteyin-Barr virusunun - nazofarenks xərçənginə, limfomalara, mədə xərçənginə səbəb olur.

4-cü yer - bunlar zəhərli və ya radioaktiv maddələrlə təmasda olan insanlardır. Hüceyrələrdə mutasiya riskini çox artırırlar.

3-cü yer - Nəsil və ailəsində xərçəng xəstəsi olanlar. Ən çox irsi olan süd vəzisi, uşaqlıq yolu və mədə-bağırsaq xərçəngləridir.

2-ci yer - Siqaret çəkənlər və müntəzəm içki içənlər. Nikotin və spirt bütövlükdə bütün bədənə mənfi təsir göstərir, buna görə də istənilən növ xərçəng şişinin inkişaf riski artır.

1-ci yer - Yaşlı insanlar. Yaşla bədənimiz zəifləyir, hüceyrələrin səhvsiz çoxalma qabiliyyəti azalır, buna görə də yaşlılarda onkologiya baş verir. Təəssüf ki, siz bu amildən qaça bilməzsiniz, ancaq 30-40 yaşda riskləri azalda bilərsiniz.

Aygün Musayeva